India vs Australia : ત્રીજી વનડેમાં ભારતે ઓસ્ટ્રેલિયાને 13 રને હરાવ્યું, ટીમ ઈન્ડિયા ક્લીન સ્વીપથી બચી ગઈ

IND Vs AUS : ભારત અને ઓસ્ટ્રેલિયા વચ્ચે વનડે સિરીઝની ત્રીજી અને અંતિમ મેચ મનુકા ઓવલ મેદાન પર રમાઈ હતી. આ મેચમાં ટીમ ઈન્ડિયાએ ઓસ્ટ્રેલિયા સામે 13 રનોથી શાનદાર જીત નોંધાવી હતી. આ મેચમાં ભારતીય કેપ્ટન વિરાટ કોહલીએ ટોસ જીતીને પહેલા બેટિંગ કરવાનો નિર્ણય કર્યો હતો. પહેલા બેટિંગ કરવા ઉતરેલી ભારતીય ટીમે નિર્ધારિત 50 ઓવરમાં 5 વિકેટના નુકસાન પર 302 રન બનાવ્યા હતા.

IND Vs AUS ત્રીજી વનડે: 303 રનના લક્ષ્યાંકનો પીછો કરતા ઓસ્ટ્રેલિયા 49.3 ઓવરમાં 289 રનમાં ઓલઆઉટ થઈ ગયું. આ સાથે ભારતે આ મેચ 13 રને જીતી લીધી હતી. આ મેચમાં ભારતીય બોલરોએ શાનદાર બોલિંગ કરી હતી. ઓસ્ટ્રેલિયાએ ત્રણ મેચની શ્રેણી 2-1થી જીતી લીધી છે. હાર્દિક પંડ્યાને પ્લેયર ઑફ મેચ જાહેર કરવામાં આવ્યો છે. જ્યારે પ્લેયર ઑફ સિરીઝનો એવોર્ડ સ્ટીવ સ્મિથને આપવામાં આવ્યો છે. સ્મિથે આખી શ્રેણીમાં શાનદાર પ્રદર્શન કર્યું હતું.

ભારતે ત્રીજી વનડેમાં ઓસ્ટ્રેલિયાને 13 રને હરાવ્યું. આ જીત સાથે ટીમ ઈન્ડિયા ક્લિન સ્વીપથી બચી ગઈ છે. ભારતે ત્રીજી અને અંતિમ વનડે મેચમાં ઓસ્ટ્રેલિયા સામે 303 રનનો લક્ષ્યાંક રાખ્યો હતો. આ લક્ષ્યનો પીછો કરતાં ઓસ્ટ્રેલિયન ટીમ 49.3 ઓવરમાં 289 રનમાં સમેટાઇ ગઇ હતી. ભારતે આ મેચ 13 રને જીતી હતી.

ધવન 16, શુબમન ગિલ 33, વિરાટ કોહલી 63, અય્યર 19, હાર્દિક પંડ્યાએ અણનમ 92 અને રવિન્દ્ર જાડેજાએ અણનમ 66 રન બનાવ્યા હતા. પંડ્યા અને રવિન્દ્ર જાડેજાની શાનદાર ઇનિંગના કારણે ભારતે 303 ના સ્કોર પર પહોંચ્યો. વિરાટે તેની ઇનિંગ દરમિયાન 5 ચોગ્ગા ફટકાર્યા હતા. જ્યારે પંડ્યાએ 7 ચોગ્ગા અને એક છગ્ગા ફટકાર્યા હતા. તે જ સમયે જાડેજાએ 5 ચોગ્ગા અને ત્રણ છગ્ગા ફટકાર્યા હતા.

પંડ્યા અને જાડેજાએ છેલ્લી સાત ઓવરમાં બેટિંગ કરી 93 રન બનાવ્યા હતા. ઉપરાંત, બંને ખેલાડીઓએ કાંગારૂ ટીમ સામે ભારત માટે છઠ્ઠી વિકેટ માટે સૌથી મોટી ભાગીદારી નોંધાવી હતી.

ફિંચે 82 બોલમાં 75 રન બનાવ્યા હતા. આ ઇનિંગ દરમિયાન તેણે સાત ચોગ્ગા અને ત્રણ છગ્ગા ફટકાર્યા હતા. તે જ સમયે, ગ્લેન મેક્સવેલે 38 બોલમાં 3 ચોગ્ગા અને ચાર છગ્ગાની મદદથી 59 રન બનાવ્યા. જો કે, મેક્સવેલ ત્રીજી વનડેમાં ઓસ્ટ્રેલિયાને જીતી શક્યો ન હતો. જ્યાં સુધી તે ક્રિઝ પર હતો ત્યાં સુધી લાગતું હતું કે આ મેચ ઓસ્ટ્રેલિયા જીતી જશે. પરંતુ તે બહાર જતાની સાથે જ વિકેટ પડવાની પ્રક્રિયા શરૂ થઈ અને ભારતીય ટીમે ત્રીજી વનડેમાં શાનદાર વિજય નોંધાવ્યો.

શાર્દુલ ઠાકુરે 3, બુમરાહ અને ટી નટરાજને 2-2 વિકેટ લીધી હતી. આ સિવાય કુલદીપ યાદવ અને રવિન્દ્ર જાડેજાને 1-1 સફળતા મળી હતી. ટી નટરાજને તેની પ્રથમ મેચમાં શાનદાર બોલિંગ કરી હતી. ટી નટરાજને 10 ઓવરમાં 1 મેડન સાથે 70 રન આપીને 2 વિકેટ ઝડપી હતી. તેણે તેની પહેલી મેચમાં જ તેની બોલિંગથી બધાને પ્રભાવિત કર્યા હતા.